ବାଇକ ଚୋରି ରାକେଟ୍ ଠାବ, 2 ଲୁଟେରା ଗିରଫ

ଝାରସୁଗୁଡା ଜିଲ୍ଲା ଓରିଏଣ୍ଟ ଥାନା ପୁଲିସ ଏକ ବାଇକ ଚୋରି ରାକେଟ୍ ଠାବ କରିବାରେ ସଫଳ ହୋଇଛି। ଏହି ବେଆଇନ କାରବାରରେ ସଂପୃକ୍ତ ଥିବା ଦୁଇଜଣ ଲୁଟେରାଙ୍କୁ ପୁଲିସ ଗିରଫ କରିଛି ଅଭିଯୁକ୍ତଦ୍ଵୟ ହେଲେ ଛତିଶଗଡ଼ ଯଶପୁର ଜିଲ୍ଲାର ମନ କୁମାର (୩୫) ଏବଂ ମନ୍ଦଲିଆ ଅଞ୍ଚଳର ଜଜବୀର ସିଂହ (୩୦) | ଗିରଫ ସମୟରେ ଅଭିଯୁକ୍ତ ଜଜବୀରଙ୍କ ନିକଟରୁ ପୁଲିସ ଏକ ନକଲି ପିସ୍ତଲ ଉଦ୍ଧାର କରିଛି | ଏଥିସହ ସେମାନଙ୍କ ପାଖରୁ ୪ଟି ବାଇକ ଓ ଗୋଟିଏ ସ୍କୁଟି ଜବତ କରିଛି। ଅନ୍ୟପଟେ ଏହି ଗ୍ୟାଙ୍ଗ୍‌ ସହ ଅନ୍ୟ କେଉଁମାନେ ସଂପୃକ୍ତ ଅଛନ୍ତି ଏବଂ ଏହି ଗାଡ଼ିଗୁଡ଼ିକ କେଉଁ ସ୍ଥାନରୁ ଚୋରି ହୋଇଛି, ସେ ନେଇ ପୁଲିସ ପକ୍ଷରୁ ଅଧିକ ଛାନ୍‌ଭିନ୍ ଜାରି ରହିଛି ବୋଲି ଝାରସୁଗୁଡା ଏସ.ପି. ଜି.ଆର. ରେଡ୍ଡୀ କହିଛନ୍ତି।